Лапорта: Меси нема да се врати, а Левандовски и Салах…

Претседателот на Барселона, Жоан Лапорта во интервју за „RAC1“ зборуваше за многу теми меѓу кои и за евентуалното враќање на Лео Меси на „Камп Ноу“.

„Немам добиено сигнал од Меси или од неговите агенти за можноста тој да се врати во Барселона. Нема никакви разговори со Меси за негово евентуално враќање во Барса. Вистината е дека не ја разгледуваме таа можност. Лео е Лео, тој е најдобриот, но мислам дека нема да се врати во Барселона како фудбалер“, откри Лапорта.

Претседателот зборуваше и за можноста Левандовски и Салах да пристигнат во Барселона.

„Станува збор за двајца топ фудбалери. Ако такви играчи ги напуштаат клубовите луѓето мислат дека можат да дојдат кај нас и тоа зборува доволно. Не можам да кажам дали водиме преговори или не, бидејќи можам да му ја отежнам ситуацијата на одговорните за трансфери. Сите играчи сакаат да дојдат во Барселона, но можам да кажам што е вистина, а што не“, изјави Лапорта.

🎙🚨| Joan Laporta: “Lewandowski and Salah are top players. If those names leave, it means people think they can come and that says it all. I will not say what we are working on. All the players want to come to Barcelona but I can not say what is real and what is not.” #fcblive

— BarçaTimes (@BarcaTimes) March 28, 2022