Лампард во Челзи „отпишал“ двајца „недопирливи“

Френк Лампард „отпишал“ некои играчи кои беа недопирливи.

Двајца стандардни би можеле да заминат од Челзи. Вчера Челзи го официјализираше трансферот на голманот Менди, а тоа значи дека Кепа кој и оваа сезона лошо ја започна би можел да замине.

Кепа би можел да прифати позајмица во Шпанија, а од Италија наводно понуда испратила Рома. Не е невозможно и Лампард да го продаде до крајот на преодниот рок со цел клубот да „спаси“ дел од вложените 80 милиони евра.

Кепа е најскап голман на сите времиња, а до доаѓањето на Хаверц беше и најскап играч во историјата на Челзи.

Освен него местото во тимот го изгуби и Рудигер. Германскиот репрезентативец не беше во комбинација за претходните натпревари, има две солуции. Една е ПСЖ кој би го довел со опција за откуп на крајот на сезоната, а друга е заминување кај поранешниот тренер Конте, во случај Интер да го продаде Скриниар. Рудигер во Челзи е дури петти во ротацијата, сигурни се Тијаго Силва, Зума и Кристенсен, а ако Германецот замине Томори останува.