Кој е најголемиот ривал на Сити? Сане нема дилема, но многумина не се сложуваат со него

Младиот фудбалер на Манчестер Сити, Лерој Сане даде многу интересна изјава во пресрет на новата сезона во Премиер лигата.

На прашањето кој е најголемиот ривал на Сити за одбрана на титулата, Сане како од топ одговори – Челзи.

„Челзи ни е најголем ривал бидејќи доведоа нов многу добар тренер. Ако гледавте како Наполи играше минатата сезона, се ќе ви биде јасно. Беа многу атрактивни, добро се намачивме против нив во Лигата на Шампионите“, се сеќава Сане и како втор најголем конкурент го додаде Ливерпул.

Иако многумина сметаат дека на „Граѓаните“ оваа сезона најголем конкурент им е Манчестер Јунајтед, Сане го избра тимот кој минатата сезона заврши на петтото место и изрази голема почит кон Маурицио Сари.