Конечно добра вест за Реал Мадрид!

Реал Мадрид е во шок после поразот од Барселона во Ел Класико, но за навивачите на „кралскиот“ клуб конечно пристигнаа добри вести.

Имено, во тимот на „кралевите“ се враќа дефанзивецот Рафаел Варан, кој беше надвор од терените поради повреда.

Ова е исклучително добра вест за тренерот Зинедин Зидан кој на последното Ел Класико го загуби и Серхио Рамос поради црвен картон, па има проблеми при составувањето на одбраната.

Шпанските медиуми пренесуваат дека Варан од денес повторно тренира со тимот и се очекува да биде во конкуренција за мечот со Депортиво кој се игра утре.