Коментарот на Роналдо за Мбапе го „сруши“ Инстаграм

Коментарот на Кристиано Роналдо на веста дека Килијан Мбапе од следната сезона ќе игра во Реал Мадрид постави рекорд на Инстаграм.

Мбапе  веднаш откако го официјализира трансферот во Реал објави фотографии од минатото со опрена на „кралскиот“ клуб и истакна дека тоа за него е остварување на сонот.

Португалскиот фудбалер испрати порака до младиот француски напаѓач, а неговиот коментар стана „најлајкуван“ во историјата на Инстаграм.

„Мојот ред е да гледам. Возбуден сум што ќе те гледам како правиш хаос на Бернабеу“, напиша Роналдо.