Клоп: Следната недела Ливерпул ќе изгледа сосема поинаку!

Менаџерот на Ливерпул, Јирген Клоп, воопшто не е загрижен за презентацијата на неговиот тим за време на претсезонските подготовки.

Вчера европскиот шампион изгуби од Наполи со 3:0 што е четврти меч по ред, во кој Ливерпул не успева да победи.

Во овие дуели, сепак, Клоп не можеше да користи голем дел од големите ѕвезди како, Алисон Бекер, Мохамед Салах, Садио Мане и Роберто Фирмино.

Менаџерот на Ливерпул е убеден дека неговиот тим ќе изгледа сосема поинаку по една недела по започнувањето на сезоната во Англија. Оваа недела „црвените“ ќе играат против Манчестер Сити во натпревар за „Комјунити шилд“, а на 9 август тие го пречекуваат Норвич на стартот на сезоната во Премиер лигата.

„Чудно е да ти недостасуваат шест играчи. Навикнати сме дека за време на подготовките може да загубиме играчи, но оваа година тие дури и не започнаа од почеток, но ќе дојдат неколку дена пред или по сезоната. Но, ние мора да ги подготвиме сите колку што е можно подобро. Мораме да бидеме подготвени да се бориме на 100% за почетокот на сезоната со се што имаме. Сепак ние ќе изгледаме сосема поинаку следната недела“, заклучи Клоп.