Клоп потврди: Пред да дојде во Ливерпул го барале повеќе клубови меѓу кои и големиот ривал на „црвените“

Jирген Клоп пред четири години седна на клупата на Ливерпул.

Германецот на „Енфилд“ пристигна откако претходно седум години ја водеше Борусија Дортмунд, а минатата година го одведе Ливерпул до освојувањето на Лигата на шампионите.

Сепак, Клоп во разговор за „Скај Спорт“ откри дека пред го превземе Ливерпул имал понуда од Манчестер Јунајтед и други клубови.

„Да, имаше интерес. Манчестер Јунајтед беше заинтересиран година или година ипол претходно, но не чуствував дека тоа е тоа. Не би можел да кажам дека Јунајтед е мој клуб, немав вистинско чуство. Повеќе клубови ме бараа и кажав: Не, нема шанси морам да направам пауза. Мојата сопруга знаеше дека ако Ливерпул ме повика ќе одам. Кога Ливерпул ме повика немав избор. Само кажав: Оу, идеме!“.

„Кога дојдов тука веднаш го почуствував духот на клубот, тоа за мене беше како натправр во рајот“, изјави Клоп.

Германецот има договор со Ливерпул до 2022 година, а неодамна откри дека после истекот на тој договор би можел да направи пауза.