Клоп по елиминацијата: Овој пораз е лесно да се објасни

Челзи вчера го надигра и го победи Ливерпул со 2:0 и на тој начин се избори за четвртфинале во ФА Купот.

За Ливерпул и Клоп сега е сигурно дека ќе нема тројна круна. Ова е втор пораз во низа за „црвените“ откако во минатото коло Вотфорд убедливо ги победи со 3:0 во Премиер лигата. Изгуби Ливерпул и од Атлетико во осминафиналето од Лигата на шампионите, па јасно е дека тимот не се наоѓа баш во добар период.

Клоп после натпреварот се обиде да го објасни поразот.

„Изгубивме 2:0. Овој пораз е лесно да се објасни – две големи грешки. Адриан имаше фантастична одбрана, неколку секунди подоцна ја изгубивме топката и примивме гол. Не е ова најголем шок. Двете екипи играа добро и ние имавме некои добри шанси“, изјави Клоп по поразот.