Клоп може да не го продолжи договорот со Ливерпул поради – времето!?

Jирген Клоп има важечки договор со Ливерпул до летото 202 година, но одличниот германски тренер засега одбива да ја продолжи соработката.

Пред неколку недели во разговор за германски „Кикер“ најави дека после истекот на договорот би можел да го напушти Ливерпул.

„Можеби ќе биде така. Кој може со сигурност да каже што ќе се случи за три години? Ако видам дека не можам повеќе ќе земам одмор и потоа ќе одлучам што ќе правам понатаму. Имам енергија, но не сакам така да ја работам оваа работа. Големи се шансите после таа пауза нивото на енергија да порасне, па така повторно би можел да работам со истата страст“, изјави тогаш Клоп.

Сега неговиот агент Марк Косицке во разговор за „Спокс“ откри необична причина поради која Германецот одбива да го продолжи договорот со Ливерпул.

Kosicke: “Ulla (Klopp's wife) and Jurgen get up in the morning and it's dark. When they meet again in the evening, it is also dark or it is grey and there is drizzle.” ?https://t.co/ObzHmRCpQi

— Anfield Watch (@AnfieldWatch) September 16, 2019

Косицке откри дека на Клоп не му одговара климата во Ливерпул.

„Додека работеше во Германија, Клоп ги избегнуваше мрачните утра и вечери така што одеше на годишен одмор во текот на зимската пауза во Бунедс лигата. Во Премиер лигата тоа не беше можно поради згуснатиот распоред. Иако оваа сезона во Англија ќе има зимска пауза лошото време го нервира Клоп. Се сеќавам дека Ливерпул во ноември или декември побара да го продолжат договорот. Јас им одговорив да почекаме. Јирген и неговата сопруга Ула стануваат рано и тогаш е мрак, а не им се допаѓа и тоа што навечер е тмурно или грми“, откри Косицке.

За Клоп во Ливерпул постои уште еден голем предизвик, а тоа е освојувањето на Премиер лигата, титула која на „Енфилд“ се чека 30 години.