Клоп даде политички одговор – Ќе остане ли Стариџ во Ливерпул?

Даниел Стариџ би можел да си замине од Ливерпул.

Германскиот стручњак размислува за Даниел Стариџ, кој е еден од најмалерозните фудбалери на Ливерпул во последните неколку сезони, уште од сезоната 2013/2014 кога заедно со Суарез беше вистински „кошмар“ за противничките одбрани,.

Токму поради тоа се шпекулира дека би можел да ги напушти „црвените“.

„Тоа е приказна, јас не сум заинтересиран за приказни. Ситуацијата со фудбалерот е во ред. Јас можам да разберам дека тој е незадоволен бидејќи е фудбалер со голем квалитет, а не ги започнува сите натпревари, но тоа е се, нема ништо повеќе. Во овој момент нас ни се потребни сите фудбалери“, изјави Клоп.

Клоп истакна дека е незадоволен од фактот што секогаш се зборува за трансферите, тој смета дека сега не е време за тоа.