Клоп: Во недела максимално спремен треба да биде дури и продавачот на хот-дог

Meнаџерот на Ливерпул, Јирген Клоп го најави дербито против Манчестер Сити во 12-тото коло во Премиер лигата.

Натпреварот на „Енфлид“ се најавува како натпревар кој би можел да биде одлучувачки во трката за титулата.

„Од спортска страна ова ривалство станува се поголемо. Сити е многу добар тим, затоа му благодарам на Бог затоа што тоа ривалство значи дека сме и ние добри. Се е отворено, никој не може да сокрие ништо. Јасно е дека не можете ништо против Сити ако не покажете храброст. Мораме да создаваме шанси, но истовремено да бидеме добри и во одбраната. Сите на стадионот мора да бидат максимално спремни, дури и продавачот на хот-дог“, изјави Клоп.

Клоп потврди дека Хендерсон и Ван Дајк кои претходно во текот на неделата пропуштија тренинг ќе бидат спремни. Големото дерби се игра во недела во 17:30 часот.