![](https://sportski.mk/wp-content/uploads/2024/02/0b2bc9dc-2545-433e-ace1-559991c11085-850x491.jpg)
„Во мојата повеќе од 20-годишна тренерска кариера, ова е најспецијалниот трофеј што сум го освоил“, изјави менаџерот на Ливерпул, Јирген Клоп по триумфот на „Црвените“ во финалето на англискиот Лига куп.
Фудбалерите на Ливерпул го освоија Лига купот откако во финалето на стадионот Вембли по продолженијата го совладаа Челзи со 1:0.
Лига Нации: Се освен прво место ќе биде катастрофа за Македонија! ↓↓↓
Прашањето на победникот го реши Вирџил ван Дијк со гол во 118. минута. За Ливерпул тоа беше рекордна десетта титула во ова натпреварување, додека лондонскиот тим го забележа петтиот пораз во десеттото финале.
Клоп го освои трофејот со „деца“ откако поради повреди не можеше да смета на Алисон Бекер, Мохамед Салах, Дарвин Нуњез, Трент Александер-Арнолд, Џоел Матип, Диого Жота, Тиаго Алкантара, Куртис Џонс и Доминик Собослаи.
„Ми рекоа дека трофеите не се освојуваат со деца. Во мојата повеќе од 20 годишна тренерска кариера ова е најспецијалниот трофеј што сум го освоил“, изјави Клоп за новинарите.
„Понекогаш ме прашуваат дали сум горд на ова или она, би сакал почесто да се чувствувам горд, но денес бев горд на апсолутно се“, додаде тој.