Кинезите се на потег: Стигна првата понуда за купување на Интер

Британскиот инвестиционен фонд „Би-Си Партнерс“ испратил понуда до „Сунинг“ за купување на поголем дел од акциите на Интер.

„Сунинг“ неодамна одлучи да се повлече од Интер. Објавија дека ќе го продадат својот дел во клубот кој изнесува 68.55%. „Би-Си Партнерс“ прв се јави. Наводно тие спремиле понуда од 750 милиони евра и во неа се вклучени долговите кои клубот од Милано ги има и кои изнесуваат помеѓу 400 и 500 милиони евра.

Меѓутоа се шпекулира дека кинеските сопственици ќе ја одбијат оваа понуда. Тие сакаат поголема сума, се споменува дури милијарда евра.

Прашање е дали некоја компанија, групација или инвестиционен фонд има желба да плати толкава сума за клуб кој е во долгови.