Карантинот на Јувентус е при крај – нема нови заразени

Во моментов италијанскиот гигант Јувентус нема ниту еден вработен во клубот кој е заразен од коронавирус, покажаа последните тестирања.

Откако пред скоро две недели Даниеле Ругани беше позитивен на коронавирус, целиот тим беше испратен во карантин. Исто беше и со останатиот персонал во клубот – точно 121 човек беа во изолација.

Вчера беа направени нови тестирања кај сите во клубот, па во моментов нема нути еден позитивен.

Од клубот денес објавија дека карантинот е при крај и дека ќе давата информации само во случај да се појави нов позитивен на КОВИД 19.

Целиот женски и машки тим на Јувентус тренира по сцецијално изработена програма во своите домови во изолација.