Капитенот на Лацио пред трансфер во Милан

Аргентинецот Лукас Биља ќе биде третото засилување за Милан ова лето, пренесуваат италијанските медиуми.

Иако се очекуваше дека капитенот Лукас Биља ќе го продолжи договорот со Лацио, кој му истекува во јуни 2018 година, тој сепак реши да го напушти клубот.

Поради тоа Лацио ќе биде приморан да го продаде, а „Скај Италија“ пренесува дека веќе е постигнат договор со Милан. „Росонерите“ ќе платат 18 милиони евра веднаш плус 4 во име на бонуси.

Биља има 31 година, а со Милан ќе потпише тригодишен договор според кој ќе заработува 2,2 милиони евра по сезона.

Аргентинецот е третото засилување за Милан, откако претходно договори потпишаа Матео Мусакио од Виљареал и Франк Кеси од Аталанта.