Италијанско дерби за потписот на Пулишиќ

Италијанските гиганти Милан и Јувентус се силно заинтересирани за крилниот фудбалер на Челзи, Кристиан Пулишиќ, тврдат медиумите на Островот.

23-годишниот офанзивен фудбалер не е стартер во тимот на Тухел и не е задоволен од својата улога во тимот.

Поради тоа побарал состанок со тренерот и е спремен ова лето да ја промени средината, а Милан и Јувентус внимателно ја следат ситуацијата.

Неговиот договор со Челзи истекува во 2024 година, па „сините“ веруваат дека сега е идеален момент за продажба, а за неговата слобода бараат 40 милиони евра.

Италијанските клубови ќе се обидат преку преговори да ја намалат таа сума и се спремни да понудат 30 милиони евра за неговиот потпис.