Италијанскиот суд одлучи: Титулата од 2006 година останува за Интер!

Жалбата на Јувентус да им се врати одземенатата титула од 2006 година, денес беше одбиена, со што и официјално таа останува во рацете на Интер и му се става точка на Калчополи.

Како што е познато титулата во 2006 година ја освои Јувентус предводен од Фабио Капело, но подоцна беше отворена аферата Калчополи, па на „бјанконерите“ им беа одземени две титули, од 2005 и 2006 година.

Титулата од 2006 година му беше доделена на Интер, кој таа сезона заврши на третото место на табелата, а Јувентус беше исфрлен во Серија Б.

Јувентус најпрво бараше да му биде одземено Скудетото на Интер, но Италијанската фудбалска федерација ја одби жалбата.

Потоа „бјанконерите“ се жалеа на суд, кој денес и официјално ја потврди одлуката.

Ultimo #no alla #Juve, la Cassazione respinge il ricorso sullo scudetto 2006 assegnato all'#Inter https://t.co/PbsZcWBcaB #serieA #juventus pic.twitter.com/sLcTls6gGi

— LaGazzettadelloSport (@Gazzetta_it) December 13, 2018