Италија на нозе: Реал го носи најдобриот фудбалер од Серија А

Италијанските медиуми денес лансираа вистинска „бомба“ и тврдат дека Реал Мадрид е силно заинтересиран за голгетерот на Интер, Мауро Икарди.

Најдобриот фудбалер на Интер и еден од најдобрите во Серија А веќе неколку сезони ја покажува својата класа во просечниот тим на „нероаѕурите“. Миланскиот гигант оваа сезона игра одлично, а Икарди повторно е главна ѕвезда во тимот.

Реал е во потрага по врвен напаѓач, а па раководните луѓе од „Сантиаго Бернабеу“ сметаат дека Икарди е идеален профил.

Карим Бензема игра очајно оваа сезона, „кралевите“ се мачат со реализацијата, па сакаат да го донесат Икарди уште во јануарскиот преоден рок, особено поради фактот што Аргентинецот може да настапува во Лигата на шампиони.

Интер сигурно ќе се противи на неговото заминување, но Икарди во својот договор има откупна клаузула од 110 милиони евра, која за Реал Мадрид не би требало да претставува никаков проблем.