Италија во Палермо или Болоња ќе ја пречека Македонија во баражот

Репрезентациите на Италија и Македонија на 24-ти март ќе играат бараж за пласман на Светското првенство, а се уште не се знае во кој град ќе се игра мечот.

Според „Газета дело Спорт“, Палермо се одвојува како голем кандидат да го организира мечот, доколку на последната проверка во Барбера одговорот биде позитивен.

Доколку Федерацијата е задоволна од увидот на „Ренцо Барбера“, главниот град на Сицилија ќе биде домаќин.

Алтернатива е Болоња со „Ренато Дал Ара“, стадион што има капацитет од нешто над 38 илјади места.

Италија и Македонија играа само еднаш досега  во 2017 година на стадионот на Јувентус во Торино и мечот заврши без победник 1:1.