Интер тргнува по ѕвездата на Бенфика

Напаѓачот на Бенфика, Дарвин Нунес ја воодушеви фудбалската јавност и е на мета на многу европски гиганти.

Скаутите на Интер го следат веќе подолго време, а италијанските медиуми тврдат дека „нероаѕурите“ сакаат да го доведат уште во јануари.

21-годишниот уругвајски репрезентативец постигна 4 гола на три меча за Бенфика во Лига Европа.

Тој во договорот со португалскиот клуб има откупна клаузула од 150 милиони евра, а Бенфика сигурно нема да сака лесно да се откаже од него.

Бенфика во септември за потписот на Нунес плати 24 милиони евра, па Интер ќе треба да понуди барем двојно повеќе од таа сума за да го донесе на „Џузепе Меаца“.