Интер во јануари тргнува по Хамес Родригез

Италијанските медиуми лансираа вистинска „бомба“ и тврдат дека Интер покажува сериозен интерес за ѕвездата на Реал Мадрид, Хамес Родригез.

Колумбиециот ова лето се врати во Реал, но поради повредите и големата конкуренција добива мала минутажа и е надвор од посакуваната форма.

Сепак, за него интерес покажуваат неколку европски гиганти, а Интер наводно е најсериозен кандидат за неговиот потпис.

„Нероаѕурите“ веќе стапиле во контакт со неговиот менаџер за да дознаат дали Хамес е спремен да се пресели во Милано. Наскоро ќе испратат и понуда до Реал Мадрид за да ја победат конкуренцијата.

„Кралевите“ за слободата на Хамес бараат помеѓу 40 и 50 милиони евра, додека Интер сака да го донесе играчот на позајмица во јануари со задолжителен откуп следното лето.

Интер игра одлично оваа сезона, а Конте смета дека Хамес може многу да му помогне на тимот во трката за титулата во Серија А.