Изгубија 9:0, па ја донираа платата во хуманитарни цели!

Фудбалерите на Саутемптон во петокот го претрпеа еден од најтешките порази во историјата на клубот, откако беа „прегазени“ од Лестер со 9:0 на домашен терен.

Нема сомневање дека најтешко им беше на самите играчи по тој катастрофален пораз, токму затоа направија потег кој ги воодушеви сите,

Имено, сите играчи ја донираа својата неделна плата во добротворни цели, се со цел да го поправат имиџот на клубот.

„Првиот потег на екипата по поразот од Лестер беше одлуката  платите на сите играчи да се донираат во добротворни цели“, истакнаа од клубот.

Фудбалерите се почуствувале посрамотени после таквиот пораз и сметаат дека не заслужиле плата, па ја донираа во хуманитарни цели.