Ибрахимовиќ: Ќе го притиснам Милан да ми го продолжи договорот

Напаѓачот на Милан, Златан Ибрахимовиќ призна дека сака да го продолжи договорот со „росонерите“.

Ибрахимовиќ веќе наполни 40 години, но игра одлично и не размислува за пензија, па му порача на Милан дека сака нов договор.

„Ќе го притиснам Милан да ми понуди продолжување на договорот и се надевам дека ќе останам, тука до крајот на кариерата. Се уште имам цели кои сакам да ги остварам и да освојам барем уште едно Скудето. Не знам што ќе биде после фудбалот, па малку и се плашам да се пензионирам. Сакам да продолжам да играм додека можам, за да нема за што да жалам после“, изјави Ибрахимовиќ.