Ибрахимовиќ: Оптимист сум за новиот договор

Златан Ибрахимовиќ изрази оптимизам дека ќе го однови неговиот договор со Милан на уште една година.

Ибрахимовиќ пристигна во Милан минатиот јануари од ЛА Галакси и покажа дека се уште може да игра на врвно ниво, иако има 39 години.

Оваа сезона постигна 15 гола во Серија А на 15 меча и се врати во репрезентацијата, па очекува да добие договор на уште една година од Милан.

„Оптимист сум за продолжувањето на договорот. Соиграчите ми се како мои деца. Тоа е атмосферата која ја создадовме и поради тоа играме добро. Сакам да останам во Милан и да учествувам во новиот проект на клубот кој многу ми се допаѓа“, истакна Ибра.