Ибрахимовиќ испиша историја: Верувале или не, тој е единствен во Лигата на шампионите што…

Фудбалерите на Манчестер Јунајтед се поразени вечерва на гостувањето во Базел во мечот од групната фаза во ЛШ.

„Црвените ѓаволи“ го осигураа пласманот во нокаут фазата од ЛШ, но сигурно Жозе Мурињо не очекуваше пораз на својата екипа во Базел. Во финишот на мечот заигра и Златан Ибрахимович кој закрепна од тешката повреда на коленото поради која паузираше речиси седум месеци.

Ибрахимовиќ ги осигра последните 15тина минути од мечот, но долго ќе го памети овој меч во Базел. Имено, шведскиот напаѓач вечерва го запиша своето име во историјата на ова натпреварување, бидејќи стана првиот фудбалер кој некогаш воопшто во ЛШ настапувал за седум различни екипи.

Овој 36-годишен напаѓач во ЛШ, дебитираше во дресот на Ајакс, а подоцна играше и со Јувентус, Интер, Барселона, Милан, ПСЖ и Манчестер Јунајтед. Ибра претходно го делеше овој рекорд со Николас Анелка и Хавиер Савиоло кои играа за шест различни екипи во ЛШ.