Ибра: Манџукиќ не зборува ништо, само работи

Милан пред неколку дена го комплетираше трансферот на Манџукиќ, а Хрватот вчера и официјално дебитираше против Аталанта.

Дека Манџукиќ има специфичен карактер потврди и Ибра, кој откри дека Хрватот не комуницира многу со останатите.

„Манџукиќ не зборува многу. Јас му посакав добредојде на хрватски јазик. Тренерот го праша дали сака да се обрати пред тимот, тој рече „не“. Не зборува многу, само работи. Тоа е во ред, многу е сконцетриран на работата и тренира вредно“, изјави Ибрахимовиќ.

„Есенски шампиони сме, но тоа не значи ништо. Потврливме против Аталанта, ни недостасуваа неколку важни фудбалери, но не сакам да барам оправдувања. Веднаш треба да се вратиме на победите“, заклучи Ибра.