И тоа се случи: Жиру го надмина Зидан на вечната листа стрелци!

Оливие Жиру синоќа беше херој за француската репрезентација и го постигна победничкиот гол во дербито против Холандија во Лигата на нации.

Жиру така го прекина голгетерскиот пост и го постигна 32-от гол во националниот тим, со што се искачи на 4-то место на вечната листа оставајќи го зад себе легендарниот Зинедин Зидан на 31 гол.

„Жиру е многу благодарен играч кој често пати е неправедно критикуван. Многу сум среќен за него што постигна гол. Многу патеше поради критиките, кои според мене беа неправедни“, изјави селекторот Дешамп.

Жиру не постигна ниту еден гол на Мундијалот, па беше мета на жестоки критики, но бројките се на негова страна.