Знаете ли зошто Гризман секогаш носи дрес со долги ракави?

Aнтоан Гризман вчера официјално стана нов фудбалер на Барселона каде што пристигна од редовите на Атлетико Мадрид.

Барселона ја активираше откупната клазула на напаѓачот и го доведе за 120 милиони евра, а Гризман утре ќе биде претставен на „Камп Ноу“ пред навивачите на Каталонците.

Сагата околу трансферот на Гризман траеше една година.

Она што сега е сигурно и што може да се каже е дека ќе го гледаме Гризман во дрес со долги ракави. Имено, тоа е негова традиција која ја почитува поради неговиот идол од детството, Дејвид Бекам.

Бекам сакаше дрес со долги ракави и во негова чест Гризман веќе долги години игра со таков дрес и сигурно дека ќе продолжи и во Барселона.

„Носам дрес со долги ракави поради Бекам. Тој тоа го правеше и тој е мој идол. Беше господин на теренот и надвор од него, тоа ми се допаѓа“, изјави во една прилика Французинот.