Златната копачка е мала утеха за Меси

Аргентинецот победи и ја освои престижната награда по четврти пат.

Лионел Меси е најдобриот стрелец во Европа за сезоната 2016/17 и со 37 постигнати голови ја освои престижната награда „Златна копачка“.

Меси во последното коло постигна два гола во победата над Еибар и така го обезбеди првото место пред Бас Дост од Спортинг Лисабон, кој со неделниот хет-трик дојде до бројка од 34 гола.

На третото место е Пјер-Емерик Обамејанг со 31 гол, потоа Роберт Левандовски со 30, додека Хари Кејн е петти со 29. Сезоната се уште не е завршена единствено во Серија А, но таму првиот стрелец е Един Џеко со 28 гола, така јасно е дека Меси сосема сигурно останува прв.

Сепак, ова е мала утеха за Аргентинецот, бидејќи Барселона оваа сезона не ја освои титулата ниту во Примера, ниту во Лигата на Шампионите. Меси оваа награда претходно ја освојување во 2010., 2012. и 2013. година.