Заморано: Доколку Меси беше Чилеанец ќе имаше споменици во целата земја!

Поранешната фудбалска ѕвезда, Чилеанецот Иван Заморано тврди дека Меси не е доволно почитуван во својата земја.

Пред гостувањето на Чиле во Аргентина, во квалификациите за СП, Заморано зборуваше за аргентинската ѕвезда.

„Замислете си, Меси да е роден во Чиле, па тој би имал споменици по целата држава и би бил секојдневно опслужуван со награди. Аргентинците прават разлика помеѓу Меси во Барселона и Меси во репрезентацијата. Мора сликата да се следи целосно, а не да се прави разлика“, истакна Заморано.

Аргентина се наоѓа на 5-то место во квалификационата група за СП, 1 бод повеќе има Чиле.