Жиру: Мотивирани сме, ја имаме судбината во наши раце

Напаѓачот на Милан, Оливие Жиру верува дека „росонерите“ имаат се што е потребно за да ја освојат титулата оваа сезона.

После поразот на Интер во Болоња се зголеми ентузијазмот кај „росонерите“, кои се лидери на табелата и ја имаат судбината во свои раце.

„Мислам дека имаме се што е потребно за да го освоиме Скудетото и нема потреба да го криеме тоа. Сконцентрирани сме на следниот меч со Фиорентина. Интер загуби во Болоња и сега ја држиме судбината во свои раце“.

„Тоа ни донесе поголем ентузијазам и мотивација. Убедени сме дека можеме да ги победиме сите натпревари до крајот. Треба да се сконцентрираме на себе си и на нашиот фудбал“, изјави 35-годишниот напаѓач.