Пари Сен Жермен претрпе пораз од Реал Мадрид во 1/8 финалето во Лигата на шампионите, а после оваа средба големи критики доби најголемата ѕвезда на клубот од Париз, Нејмар.
Нејмар сега доби критики и од својот сонародник и поранашен репрезентативец на Бразил, Валтер Казараганде.
Исхрана, повреди и тренинг – совети од доктор по спортска медицина | Уште еден поткаст
Казараганде денес работи како коментатор, а таа позиција ја искористи да испрати критики до својот помлад сонародник.
„Навистина не ми се допаѓа однесувањето на медиумите кон Нејмар, тие цело време му даваат поддршка, а тој возвраќа со непристојно однесување. Неговото детинесто однесување имавме прилика да го видиме и против Реал Мадрид. Заработи жолт картон уште во првиот дел, а во второто само среќата го спаси за Роки да не го исклучи поради симулирање“, критикуваше Каразаганде, па продолжи:
„Замислете такво нешто да се случи на Светското првенство, тоа би било катастрофа за Бразил. Нејмар е само разгалено дете, а некои премногу го воздигнуваат, далеку е тој од квалитетите на Меси, Роналдо или пак Марадона“, заврши сонародникот на Нејмар.
Учество во игри на среќа е дозволено за лица со 18+ години. Играј одговорно!