Две континентални фудбалски сили одат гради во гради вечерва на Алијанц Арената во Минхен, каде битка за пласман во полуфиналето ќе бијат Белгија и Италија.
Белгијците во моментов се наоѓаат на врвот на листата на фаворити, впрочем според ФИФА ранг листата се водечка репрезентација во светот, но „азурите“ славеа нов национален рекорд од 31 натпревар без пораз по мечот во претходната рунда.
Белгија ослабена, но повторно со одличен тим
Александар Вучковски - сомелиер: Како македонските вина го освојуваат светот? ↓↓↓
Голот на Торган Азар во првото полувреме беше доволен за да го заврши владеењето на Португалија како европски шампион во Севиља минатата недела. Белгија трепереше до последен момент, но на крајот го потврди своето место во четврт-финалето.
Непосредно пред полувремето, Азар со својот четврти погодок на седум репрезентативни настапи оваа година го постави конечниот резултат, но тренерот Роберто Мартинез ги загуби и Кевин Де Брујн и братот на Торган, Еден Азар. Двајцата нема да настапат на овој меч со Италија, а тоа е тежок удар за Белгија.
Белгија победи на секој од последните 14 натпревари во текот на квалификациите и овие дуели на ЕУРО 2020, што е изедначување на рекордот поставен од Германија.
Севкупно, „црвените ѓаволи“постигнаа гол на сите последни 34 натпревари, додека победија на 23 од последните 27 дуели. Ваквата форма, која секако и одговара на највисоко рангираната нација во светот, значеше доминација во групата Б – победа од 3:0 против Русија, победа со кам-бек против Данска, а потоа и лесна победа над дебитантите Финска.
Меѓу стрелците секако е кандидатот за Златна копачка, Ромелу Лукаку, кого играчот за врска на Италија, Матео Песина оваа недела го опиша како „најдобриот напаѓач на светот“. Сепак, Белгија на 22 средби со Италија има само четири победи и дури 14 порази, а Лукаку и дружината имаат одлична можност да ја поправат таа негативна традиција.
Целта, секако е да се направи чекор поблиску до најголемото фудбалско достигнување на нивната земја до сега – пласманот во финалето на овој турнир во 1980 година, кога загубија со 2:1 од Западна Германија.
Италија и Манчини рушат рекорди
Италија под водство на Манчини прави чуда и тоа во буквална смисла на зборот. Кога ги презеде „Азурите“ во Мај 2018 година, една од најуспешните селекции во меѓународниот фудбал беше на дното по нивниот неуспех да се пласираат на Светското првенство во Русија – катастрофа невидена 60 години. Но, Манчини прецизно одработи се и создаде тим со јасен идентитет и ветувачки спој на неколку искусни, но пред се на млади фудбалери. Плодот на таа одлична работа, се одличните резултати.
Манчини го сруши двојниот рекорд на победникот во Светскиот куп, Виторио Поцо, од 30-тите години, водејќи ги „азурите“ до 11 последователни победи. Италија успеа да го зголеми својот рекорд од далечната 1939 година, кога запиша 30 последователни натпревари без пораз. Рекордот кој беше во сила цели 82 години.
Италија е без пораз од 10 септември 2018 година, кога последен пат загуби од Португалија. Од тогаш следуваат 26 победи и пет нерешени натпревари. Она што е брилијантно е фактот што во оваа последна серија од 12 победи по ред, Италија не прими ниту еден гол.
Сепак, по одличниот тек на групната фаза, сите очекуваа лесна победа на Италија против Австрија. На крајот остана на замените Федерико Киеза и Матео Песина да ја испратат Италија во последните осум селекции на турнирот, за победа на Италија дури по продолженијата на Вембли во Лондон.
Сега, за победа над Белгија тимот на Манчини мора да одигра на едно многу повисоко ниво – на она ниво од групната фаза и да се заборави на дуелот со Австрија.
Прогноза
Овој дуел е дерби на четвртфиналната фаза на ЕУРО 2020. Впрочем, откако испаднаа најголемите фаворити, како Германија, Франција, Португалија … Сега Италија, Белгија, Шпанија и Англија се издвојуваат во однос на другите. Победникот од овој меч оди на Шпанија и ќе има тешка задача.
Но да се вратиме на овој дуел. Нема фаворит на овој меч. Ќе има неизвесност и голеа борба. Но јас очекувам претпазлива игра од двете селекции. Италија полека го менува својот стил и делува поофанзивно, но на овој дуел нема да се залетува. Белгија, покажа дека знае да се брани против Португалија па и тие веројатно ќе размслуваат многу на својот гол. Ќе има борба на средината и мечот ќе го решат мали нијанси.
Учество во игри на среќа е дозволено за лица со 18+ години. Играј одговорно!