Се појави видео од играчите на Аргентина кои го слават освојувањето на Копа Америка пеејќи расистичка песна насочена кон француската репрезентација. „Играат за Франција, но се од Ангола. Мајка му е Нигеријка, а татко му е Камерунец, но пасошот му е француски“, гласеше текстот на песната.
Ова предизвика бурни реакции кај дел од француските фудбалери. Фудбалерите на Челзи, Аксел Дисаси, Мало Густо и Весли Фофана престанаа да го следат на Инстаграм Енцо Фернандез, нивниот аргентински клупски колега, а Фофана напиша: „Фудбалот во 2024 година: незапирлив расизам“.
Исхрана, повреди и тренинг – совети од доктор по спортска медицина | Уште еден поткаст
„Искрено се извинувам за видеото на мојот Инстаграм, кое е направено за време на прославата. Песната содржи многу навредлив јазик и нема извинување за моите зборови. Секогаш сум против дискриминација, се извинувам затоа што ме зафати еуфоријата на прославата, тој момент, тие зборови не се одраз на моите верувања или карактер, навистина ми е жал“, напиша Фернандез.
Учество во игри на среќа е дозволено за лица со 18+ години. Играј одговорно!