![](https://sportski.mk/wp-content/uploads/2024/04/Screenshot-2024-04-03-104757-850x491.jpg)
Поранешниот репрезентативец на Босна и Херцеговина Огњен Врањеш одлучил да стави крај на кариерата на 35 години, пишуваат медиумите во Србија.
Врањеш е член на српски Чукарички во последната половина година, а сега донел изненадувачка одлука да стави крај на кариерата, која ја објави Блиц.
Лига Нации: Се освен прво место ќе биде катастрофа за Македонија! ↓↓↓
Одлуката за завршување на кариерата Врањеш ја донел на необичен начин минатиот петок, пред натпреварот помеѓу Чукарички и Нови Пазар, а челниците на клубот останаа изненадени од неговата одлука.
Потсетуваме, Врањеш дојде во Чукаричка откако пропадна неговиот ангажман во Партизан бидејќи навивачите на црно-белиот тим се побунија против неговото доаѓање.
Претходно, Врањеш играше за турски Хатајспор, Аланија и Газиантеп, атински АЕК, белгиски Андерлехт, шпански Спортинг Хихон, руските Краснодар и Томск, молдавски Шериф, српски Напредак и Бањалука Борац, каде што ги направи првите фудбалски чекори.
Врањеш беше долгогодишен репрезентативец на Босна и Херцеговина, одигра 38 натпревари во националниот дрес, а својата репрезентативна кариера ја заврши во 2018 година.