Евра со порака Роналдо: Ако сакаш да играш до 2050 избери го Јувентус! (видео)

Kристиано Роналдо и Патрис Евра заедно играа во Манчестер Јунајтед и Французинот добро го познава Португалецот, па сега се огласи по повод веројатниот трансфер на Роналдо во Јувентус.

Според Евра, Роналдо ќе ја направи вистинската одлука доколку се пресели во Јувентус.

„Сите ме прашуваат, Патрис што мисли? Не сум разговарал со Роналдо, но мојот совет е – ДА. Ако сака да игра до 2050 година тогаш нека го избере Јувентус. Не постои друг тим на кој треба да му се приклучи. Едноставно е. Благодарен сум на Јувентус, бидејќи и после Манчестер Јунајтед успеав да трчам и да освојувам трофеи. Јувентус секогаш ќе биде во моето срце“.

„Значи, Кристиано морам да ти го кажам следното: Донеси вистинска одлука. Знаеш колку те сакаат во Италија, но тоа е жртва. Бидејќи ако одиш во Јувентус ќе мораш да работиш напорно, многу напорно. Нема да знаеш што е одмор. Но, тоа е одлуката која треба да ја донесеш ако сакаш да играш до 2050. Можам да ти кажам, ако одиш во Јувен, не само што ќе играш на наредното Светско првенство, туку ќе бидеш протагонист. ПРОТАГОНИСТ“, гласи пораката на Евра.