Еве што мислат Вардарци за противникот во Лига Европа

Вардар го доби Фенербахче за ривал во плеј-офот во Лигата на Европа, па македонскиот шампион за прв пат во историјата ќе игра во европските натпревари против екипата од Истанбул.

Фудбалерите на вардар признаваат дека проптивникот е тежок и има искуство во европските натпреварувања, но не се откажуваат пред време.

„Добивме силен противник, но не се плашиме. Ќе одиме да се надигруваме со нашиот ривал. Станува збор за екипа составена од играчи кои играле во најсилните првенства и секогаш имаат фудбалски ѕвезди. Мислам дека ќе бидат два добри натпревара пред многу публика, и во Скопје и во Истанбул. Досега на сите натпревари одевме со цел. Полни сме со оптимизам, веруваме дека можеме да го поминеме Фенербахче. Против секој тим даваме максимум, така ќе биде и на овие два натпревара“, изјави Бобан Николов.

„Фенербахче е силен противник, еден од најсилните што можеа да ни се паднат. Секоја година игра во групна фаза во Европа и секоја сезона се бори за титулата во Турција. Ќе бидат два интересни натпревара, верувам дека трибините ќе бидат полни и на двата меча и ќе играме пред добра атмосфера. Противникот е силен, меѓутоа ќе одиме да се надигруваме, ќе се обидеме да направиме добар резултат и да влеземе во групната фаза од Лига Европа“, изјави Стефан Спировски.

Фенербахче е тим составен од искусни фудбалери, турски репрезентативци и странци, меѓи кои и ѕвезди од калиброт на Робин ван Перси, Мартин Шкртел, Маурисио Исла, Матие Валбуена…