Еве колку ќе заработува Дембеле оваа сезона

Францускиот фудбалер, Осман Дембеле е последната аквизиција на Барселона во овој трансфер период.

Очајниот трансфер период за Барселона заврши со доведувањето на Дембеле од Борусија Дортмунд. Овој 20-годишен играч е платен неверојатни 105 милиони евра, а Барса ќе плати уште 35 милиони евра преку различни бонуси што овој фудбалер го прави најскапото засилување во историјата на клубот.

Дембеле пред две години беше член на резервниот тим на Рен кој игаше во петата француска лига, а денеска е во Барселона. Сепак, мора да се признае дека цифрите многу пораснаа ова лето, а тоа најмногу го потврдува колку Дембеле ќе заработува на „Камп Ноу“.

Шпанските медиуми успеаа да откријат дека Дембеле ќе добие дури 12 милиони евра „на рака“ од овој трансфер, а вклучувајќи ги бонусите и оваа сезона францускиот тинејџер би можел да добие неверојатни 20 милиони евра. Парите полека, но сигурно ја одземаа најважната споредна работа во светот за секоја смисла.