Добри вести за Реал – позната казната за Модриќ

Во првото коло од Примера, Реал Мадрид оствари важна победа на гостувањето кај Селта, но остана без Лука Модриќ.

Хрватскиот плејмејкер заработи директен црвен картон поради еден старт врз Денис Суарез, а денес Федерацијата му ја изрече казната.

Модриќ можеше да добие до три меча суспензија, сепак Федерацијата одлучи да го казни со само еден натпревар.

Проценето е дека Модриќ немал намера да го фаулира Суарез, па поради тоа помина со само еден натпревар суспензија.

Реал викендов го дочекува Ваљадолид на „Сантиаго Бернабеу“, а Модриќ ќе биде приморан да го пропушти тој натпревар.