До кога во Јунајтед ќе имаат трпение? Резултатите на Тен Хаг се – ужасни!

Maнчестер Јунајтед продолжи со лошите резултати и по дуелот со Фенербахче кој заврши без победник 1:1, а по овој натпревар пристигнаа критики за тренерот Ерик Тен Хаг.

Засега не е познато уште колку трпение ќе имаат во раководството на „црвените ѓаволи“, меѓутоа резултатите покажуваат дека промена веројатно е потребна.

Имено, Манчестер Јунајтед со Тен Хаг на последните седум натпревари запиша само една победа.

Во тој период Јунајтед има една победа, два порази и четири нерешени натпрвевари. Кога е Лигата на Европа во прашање се уште се без триумф одигрувајќи три реми во првите три натпревари.