На Јувентус во последниот период не му оди баш најдобро, а дел од навивачите проблемот го гледаат во лошото работење на „бјанконерите“ со различни агенти меѓу кои е и Мино Раиола.
Сега за влијанието на Раиола зборуваше извршниот директор на Јувентус, Маурисио Аривабене кој без „влакна на јазикот“ испрати предупредување до Дибала и Де Лихт.
Пред дербито, падна најважниот потпис во Манчестер Сити! ↓↓↓
„Навикнав да бидам едноставен соговорник. Денес многу играчи повеќе се верни на својот агент, отколку на дресот на клубот кој го носат. Дибала е „десетка“ на Јувентус, а Де Лихт е одличен дефанзивец. Тие мораат да ја работат својата работа, ние ја работиме нашата, но односот е добар. Лесно е да се зборува за тоа колку ви е важен клубот, за тоа не се зборува, тоа се докажува на теренот. Сакаме сите тоа да го докажат“.
„Дибала имаше проблеми со повредите во последно време, меѓутоа кога играше беше добар. Тој е важен играч за Јувентус. Настапите на Де Лихт сите можат да ги видат. Имаме добар однос, кога ќе дојде време ќе разговараме со нив, како и со другите играчи. Не правиме разлика“, изјави Аривабене.
На оваа изјава многумина гледаат како предупредување на екипата од Торино до фудбалерите откако Де Лихт преку Раиола пред неколку дена порача дека сака нов предизвик во кариерата и место каде што ќе се бори за трофеи.
Учество во игри на среќа е дозволено за лица со 18+ години. Играј одговорно!