Ди Марцио: Јувентус и Арсенал се договорија, нов голман пристигнува во Торино!

Како што пренесува секогаш добро упатениот Џанлука Ди Марцио, Јувентус е на чекор од доведување на нов голман.

Буфон на голот на „старата дама“ веројатно ќе биде уште некоја година, тој најави дека ќе брни на Светското првенство во Русија 2018 година. Сепак после Светското првенство во Јувентус ќе мораат да размислуваат за нов голман.

Нето е резеревниот чувар на мрежата, Бразилецот сосема солидно си ја одработуваше задачата во Купот на Италија, но и тој би можел да го напушти клубот бидејќи е евидентно дека има нешто повеќе квалитет од тоа да биде резерва во Јувентус.

Поради тоа управата на Јувентус веќе сега реши да ангажира нов чувар на мрежата, а изборот паднал на голманот на Арсенал, Војчех Шчесни.

Арсенал од овој трансфер ќе инкасира 16 милиони евра, додека 27 годишниот чувар на мрежата ќе потпише договор на четири години.