Денес ги добиваме групите за Европското првенство: Ќе има ли балканска група?

Во 18:00 часот денес ќе бидат извлечени групите за Европското првенство 2024 година кое ќе се игра во Германија.

УЕФА ги потврди и шеширите од кои ќе бидат одредени групите. Во последниот шешир ќе бидат сместени селекциите кои ќе се пласираат на Европското првенство преку баражите од Лигата на Нации.

За балканските простори посебно е интересно што Албанија, Хрватска и Србија се во вториот, третиот и четвртиот шешир, па така овие селекции можат да бидат во иста група.

Европското првенство ќе се игра од 14. јуни до 14. Јули 2024 година во Германија.