Дембеле ќе заработи богатство во Барселона

Францускиот репрезентативец Осман Дембеле може да заработи цели 40 милиони евра во следните две сезони со новиот договор во Барселона.

25-годишниот Дембеле после долги преговори се согласи да стави потпис на нов договор до 2024 година и се согласи да ја намали платата до 40%. Па така според договорот годишно ќе заработува по 16 милиони евра.

Меѓутоа, со бонусите неговата плата може да достигне до 20 милиони евра по сезона.

Во неговиот договор има и откупна клаузула од 100 милиони евра. Доколку некој ја активира 50 милиони ќе завршат кај Барселона, а другите 50 милиони кај Дембеле.