Дали ова е добитната комбинација за Пеп Гвардиола?

Актуелниот европски шампион ја презеде лидерската позиција во Премиер лигата и во oдлично расположение вечерва го пречекува Реал Мадрид.

Пеп Гвардиола на последниот тренинг можеше да смета на сите свои играчи и според најавите ќе излезе со најсилниот тим.

Можеби најважно за Пеп е враќањето на Кајл Вокер, кој во претходните натпревари одлично го чуваше Винисиус Жуниор.

Покрај тоа добра вест е и враќањето на Џон Стоунс, кој ја има улогата на организатор на играта од последната линија, а често и како последен играч за врска.

Се чини дека поради сето горенаведено, Пеп може да изведе посилен тим од првиот меч кога Кевин Де Брујн имаше стомачни проблеми, а споменатите Вокер и Стоунс беа надвор од терените поради повреди. Исто така важно е и што Едерсон се враќа помеѓу стативите.

МОЖНИОТ СОСТАВ НА МАНЧЕСТЕР СИТИ: Едерсон, Вокер, Стоунс, Дијас, Гвардиол, Родри, Де Брујн, Силва, Фоден, Грилиш, Халанд.