Атлетико Мадрид синоќа одигра реми со Леверкузен и беше елиминиран од Лигата на шампиони уште во групната фаза.
Така Шпанија остана само со еден преставник во осминафиналето, а шпанските медиуми упатија големи критики кон тренерот на „јорганџиите“, Диего Симеоне.
Како е да се биде професионален Counter-Strike играч! ↓↓↓
Атлетико е во голем пад на резултатите во последно време, а и скапите засилувања како Жоао Феликс не ги оправдаа очекувањата.
Фудбалот кој го игра Атлетико веќе долги години повеќе не дава резултати, па медиумите се прашуваат дали е време Атлетико Мадрид и Симеоне да се разделат.
„Најтежок момент во мојата тренерска кариера по двете финалиња во Лигата на шампионите. Тежок и неочекуван момент за проектот што го имаме во клубот. Ова е втор пат во последните десет години да испаднеме од групата. Не го планиравме тоа, но тоа е реалноста“, изјави Симеоне.
Симеоне има договор со Атлетико до 2024 година и е најплатен тренер во светот, а во клубот е од 2011 година.
Учество во игри на среќа е дозволено за лица со 18+ години. Играј одговорно!