Напаѓачот на мадридски Атлетико, Антоан Гризман е блиску до трансфер во редовите на големиот ривал Барселона.
Французинот веќе со месеци наназад се поврзува со каталонскиот великан, а како што стојат работите, трансферот на крајот ќе се случи.
До кога ќе дишеме отровен воздух!? | Уште еден поткаст
Гризман се уште не сака да ја објави одлуката за трансфер. Најави дека ќе одлучи пред почетокот на СП, но каталонски Спорт тврди дека со Барса е се завршено.
Наводно, францускиот фудбалер прифатил и помала плата за да и олесни на Барселона. Моментално во Атлетико заработува 220.000 евра неделно, но 27-годишниот играч на Камп Ноу ќе заработува помалку. Цифрата сеуште не е позната.
Сепак, се ќе може да се надополни со бонуси. Головите добро ќе му се исплатат и сигурно ќе има мотив повеќе да се докаже во каталонскиот дрес.
Гризман е член на Атлетико од 2014 година. Пристигна од Реал Сосиедад за 30 милиони евра, а цената за која тимот од Мадрид ќе го продаде е околу 100 милиони евра.
Оваа сезона Французинот одигра 38 натпревари, а постигна 23 гола и 13 асистенции.
Учество во игри на среќа е дозволено за лица со 18+ години. Играј одговорно!