Готово: Реал Мадрид за „џабе“ си обезбеди голем талент од Манчестер Сити!

Реал Мадрид после Винисус Жуниор си обезбеди уште талентиран фудбалер – Браим Диаз од Манчестер Сити.

Станува збор за фудбалер кој има 19 години и во кого Пеп Гвардиола положуваше големи надежи. Диаз заедно со Фил Фоден веројатно е најголемиот талент од младинскиот тим на „граѓаните“.

Пеп Гвардиола неколку пати изјавуваше дека во иднина сериозно смета на неговите услуги.

Сепак, Шпанецот очигледно не верувал во тие ветувања, па Реал Мадрид ја искористи приликата.

Диаз на 1-ви јануари ќе потпише преддоговор со „кралевите“, а од наредното лето ќе се пресели во Мадрид како слободен играч.

Реал така за „џабе“ ќе добие голем талент. Сити во изминатите месеци го убедуваше Шпанецот да потпише нов договор, условите кои му ги нудеа беа одлично, но на крајот немаа успех.

https://www.youtube.com/watch?v=IsaPS7WCVfQ