Го сакаа европски гиганти, а тој потпиша за Фрајбург

Германскиот репрезентативец Матијас Гинтер го избра новиот клуб и ги изненади сите.

28-годишниот дефанзивец на Мехенгладбах на лето ќе биде слободен агент, па интересот за него беше огромен.

Гинтер имаше понуди од Интер, Баерн Минхен и Тотенхем, а тој се одлучи кариерата да ја продолжи во Фрајбург.

Германските медиуми пренесуваат дека потпишал договор со Фрајбург до 2026 година и ќе заработува 4 милиони евра по сезона.

Информациите велат дека ги одбил големите клубови, поради тоа што е носталгичар и сакал по секоја цена да се врати во својот роден град, а исто така Фрајбург ќе игра во Европа следната сезона.