Гвардиола: Потешко е да ја освоите Премиер лигата отколку Лигата на шампионите

Во кариерата Пеп Гвардиола два пати ја освоил Лигата на шампионите, но не успеа да го направи тоа со друг клуб освен со Барселона.

На Манчестер Сити каде што е сега тренер Гвардиола му донесе три титули во Премиер лигата, блиску се „граѓаните“ и до четвртата до која ќе дојдат ако победат утре со Астон Вила. Пред овој натпревар шпанскиот стратег порача дека за него потешко е да се освои англиската Премиер лига отколку Лигата на шампионите.

„Потешко е да дојдете до титулата во Премиер лигата отколку во Лигата на шампионите. Во Премиер лигата имате повеќе натпревари, доаѓаат повреди, добри, лоши периоди…За нас е голем успех тоа што успевавме да бидеме шампиони во минатите години. Не сакам да кажам дека Лигата на шампионите не е важна, но поразлично е да дојдете до трофеј со шест-седум натпревари во однос на 38“, смета Гвардиола.